एजेन्सीः
भारतका बडी बिल्डर तथा पहिलो मिस्टर युनिवर्स मनोहर आइचको मृत्यु भएको छ ।
एक सय चार वर्षका आइचको आइतबार उनको आफ्नै घरमा निधन भएको हो । परिवार
स्रोतका अनुसार आइतबार दिउँसो साढे दुई बजे निधन भएको थियो । उनी विभिन्न
बिरामसँग लडाँइ गरिरहेका थिए ।
आइचले सन् १९५२ मा मिस्टर यूनिवर्सको टाइटल जितेका थिए ।
कम उचाईका आइचलाई मानिसहरुले माया गर्दै ‘पाकेट हरक्यूलिस' पनि भन्ने गर्दथे । उनको उचाई चार फीट ११ इन्च थियो ।
आइचले आफू ३६ वर्षको हुँदा मिस्टर हर्कुलस टाइटल जितेका थिए । उनले एसियन खेलमा तीन पटक गोल्डकप जितेका थिए ।
उनी १९४२ मा ब्रिटिस सेनामा रोयल एयर फोर्समा सहभागी भएका थिए । ब्रिटिस
अफिसरलाई थप्पड हानेपछि उनी जेल परेका थिए । उनी जेलमा रहँदा पनि शारीरिक
कसरत गर्दथे । उनको शारीरिक कसरतलाई देखेर जेलरले खानकालागि आइचलाई स्पेशल
व्यवस्था गरेका थिए ।
आइच १७ मार्च १९१४ मा बंगालको कुमिल्ला धामटी गाउँ (अहिलेको बंगलादेश)मा जन्मिएका हुन् ।
- See more at: http://annapurnapost.com/News.aspx/story/50187#sthash.XJqPAYOf.dpuf
No comments:
Post a Comment