एसएलसी रिजल्ट भोलि ७ बजे

असार १, २०७३- परीक्षा नियन्त्रण कार्यालयले एसएलसीको नतिजा बिहीबार सार्वजनिक गर्दैछ । नतिजा बिगतको जस्तो श्रेणी छुट्याउने आउने छैन । विद्यार्थीको सिकाई कुन समूहमा छ भनेर बर्गिकरण गरेर सार्वजनिक हुदैछ ।
परीक्षा नियन्त्रक कृष्णप्रसाद काप्रीले नतिजा बिहीबार अपरान्हसम्म सार्वजनिक गर्ने तयारी गरेको बताए । ‘सबै तयारी सकियो,’ उनले भने,‘बिहीबार अपरान्ह नतिजा सार्वजनिक गर्दैछौ ।’ गतवर्ष भन्दा ढिला परीक्षा भएपनि कार्यालयले चाडै नतिजा सार्वजनिक गरेको हो ।
एसएलसी परीक्षामा ६ लाख १ सय २० विद्यार्थी सहभागी थिए । परीक्षा नियन्त्रण कार्यालयले ए प्लस, ए, बी प्लस, बी, सी प्लस, सी, डी प्लस, डी र ई समूहमा छुट्याएर नतिजा सार्वजनिक गर्दैछ । यसले बिगतको जस्तो फेल, पास र श्रेणी छुट्याएर आउने छैन ।
कुन विद्यार्थीको सिकाई क्षमता कुन समूहमा पर्‍यो भन्ने छुट्याएर ल्याउन लागेको हो ।