पार्क कब्जा गर्ने हटाउँदा मथुरामा झडप, २४ को मृत्यु

भारतको उत्तर प्रदेश राज्य अन्तर्गतको मथुरा सहरमा सार्वजनिक पार्कमा बसिरहेका मानिसहरुलाई हटाउन खोज्दा भएको झडपमा २४ जनाले ज्यान गुमाएका छन् । 

मथुराको जवाहर पार्कको करिब २६ एकड जमिनमा दुई वर्षदेखि बसिरहेका करिब ३ हजार मानिसलाई हटाउन बिहीबारदेखि प्रहरीले हटाउन थालेको थियो । घटनामा एक प्रहरी एसपीको पनि मृत्यु भएको छ । 

प्रहरीले आन्दोलनकारीका साथबाट एके ४५ लगायतका हतियार बरामद गरेको जनाएको छ । भारतीय सत्तारुढ दल भारतीय जनता पार्टीले यसको उच्चस्तरीय छानविनको माग गरेको छ । उत्तर प्रदेशका मुख्यमन्त्री अखिलेश यादवले जाँचको आदेश दिएको बताएका छन् ।