नयाँ शक्तिको राष्ट्रिय भेला आज सकिदै "बाबुराम"

जेष्ठ ३२, २०७३ नयाँ शक्ति नेपालको जारी पार्टी स्थापना राष्ट्रिष्य भेलामा आज पनि विभिन्न तीन प्रतिवेदनमाथि छलफल हुँदैछ । राष्ट्रिय भेला अन्तर्गत प्रज्ञा प्रतिष्ठानमा हिजो सुरु छलफल सत्रमा संयोजक बाबुराम भट्टराईको राजनीतिक प्रतिवेदन, नेता देवेन्द्र पौडेलको संगठन विधान र रामेश्वर खनालको आर्थिक विकास र समृद्धिको प्ररुपमा विषयक प्रतिवेदन पेश भएका थिए । ती प्रतिवेदनमाथि प्रतिनिधिहरु १२ समूहमा विभाजित भएर छलफल गरिरहेका छन् ।
सबै समूहका तर्फबाट आज टोली नेताले धारणा राखिसकेपछि तीन वटै प्रतिवेदन सुझावसहित पारित गरिने नयाँ शक्तिका नेता खिमलाल देवकोटाले जानकारी दिनुभयो । नेता देवकोटाका अनुसार राष्ट्रिय भेलाले पारित गरेको प्रतिवदेन जनस्तरमा छलफलका लागि पठाइनेछ । प्रतिवेदन पारित गर्दै राष्ट्रिय भेला आजै सकिने सो पार्टीले जनाएको छ ।